Béyjingda choshqa we ördek göshi arilashturup yasalghan qoy göshi mehsulatliri bayqaldi

Muxbirimiz irade
2013-08-22
Share

Béyjing sheherlik soda-sana'etni memuriy bashqurush idarisi yéqinda béyjing shehiridiki yémeklik bazirini tekshürüsh jeryanida béyjingda ishlepchiqirilghan bir qisim qoy göshi mehsulatlirigha choshqa göshi we ördek göshi arilashturulghanliqini éniqlap chiqqan.

Da'iriler derhal bu mehsulatlarni péchetligen. Jingxu'a xewerler torining xewer qilishiche, béyjing sheherlik yémeklik bashqurush tarmaqliri mezkur weqedin kéyin sheherdiki barliq qoy göshi mehsulatliri üstidin tallap tekshürüsh élip bérishni qarar qilghan.

Buningdin sirt, tekshürüsh jeryanida yuqiridiki saxta qoy göshidin sirt, markiliq hesel we kempütke oxshash 8 xil mehsulatningmu ölchemge toshmaydighanliqi éniqlan'ghan.

Xitaydiki yémekliklerning süpet mesilisi puqralarni bi'aram qiliwatqan muhim mesililerning biri. Xitayda arqa-arqidin meydan'gha kelgen zeherlik süt parashoki, ay toqach, yundidin ayrilghan may qatarliq weqeler hemmisi alaqidar da'irilerni bir qatar tedbirlerni élishqa mejburlighan bolsimu, emma bundaq ölchemsiz yémeklik weqesi ayighi üzülmey sadir bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet