Xitay tenheriketchiliri béyjing qishliq olimpikida Uyghur “Qul emgiki” mehsulatlirini ishlitidiken

Muxbirimiz erkin
2022-01-14
Share

Béyjing qishliq olimpik musabiqiside xitay tenheriketchilirining Uyghur élide ishlepchiqirilghan “Qullar emgiki” mehsulatlirini ishlitidighanliqi ilgiri sürüldi.

Xongkongda chiqidighan “Jenubiy xitay seher pochtisi” gézitining xewer qilishiche, Uyghur élining altay wilayitige qarashliq qaba nahiyesidiki bir xitay zawuti yéqinda peley, qulaq asrighuch, téyilish kiyimlirini öz ichige alghan 2000 yürüsh mehsulatni xitay tenheriketchilirining musabiqide ishlitishi üchün béyjinggha yetküzüp bergen.

Bu xewerning kishilik hoquq teshkilatliri we bezi gherb parlamént ezaliri olimpik komitétigha xet yézip, béyjing qishliq olimpikida Uyghur mejburiy emgek mehsulatlirining ishlitilmeslikige kapaletlik qilishni telep qiliwatqan bir waqitta ashkarilinishi diqqet qozghidi. Roytérs agéntliqining xewer qilishiche, amérika dölet mejlisining xitay ishliri komitéti 12-yanwar xelq'ara olimpik komitétigha xet yézip, béyjing qishliq olimpikida mejburiy emgek mehsulatlirining ishlitilishidin endishe qilidighanliqini éytqan.

Amérika prézidénti baydén ötken ayda “Uyghur mejburiy emgikining aldini élish qanuni” gha imza qoyup, Uyghur élide ishlepchiqirilghan mejburiy emgek bilen munasiwetlik mehsulatlarning amérikagha kirishni chekligenidi. “Jenubiy xitay seher pochtisi” ning bildürüshiche, yuqiri derijilik bir xitay emeldari xitay tenheriketchilirini shinjangdin kelgen buyumlar bilen teminleshning “Rayondiki xam matériyallarning süpiti” ni namayan qilidighanliqini bildürgen. U yene bu formilar “Shinjangning 2022-yilliq béyjing qishliq olimpikige qoshqan töhpe” ikenlikini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet