Qumul kömür kan ishchiliri ish heqqini östürüshni telep qilip namayish qildi

Muxbirimiz méhriban
2015-11-03
Share


2 - Noyabir küni qumuldiki sendawling kömür kéni yeni yerlikler taranchi kömür kéni dep ataydighan kömür kan ishchiliridin 7 - 8 ming neper ishchi, ish heqqini östürüp bérishni telep qilip namayish qilghan. Radiyomiz xitay bölümi igiligen ehwallardin melum bolushiche, 2 - noyabirdiki namayishni hökümet saqchilarni ewetip tarqitiwetkendin kéyin, kömür kan shirket da'iriliri weziyetni kontrol qilish tedbirliri heqqide jiddiy yighin achqan. Ishchilarning naraziliq namayishi 3 - noyabir seyshenbe künimu dawamlashqan bolup, namayishni dawamlashturghan 100 nechche ishchi bilen weziyetni kontrol qilishqa ewetilgen saqchilar arisida toqunush yüz bergen.

Kan rayonidin radiyomiz ziyaritini qobul qilghan ishchilarning bildürüshiche, 90 - yillardin kéyin kan ishchilirining ma'ashi östürülmigen. Mal bahasi ösüp ketken shara'itta ishchilar 1000 somdin 2000 somgha qeder bolghan ma'ashqa tayinip kündilik turmushini qamdash we dawalinishta qiynalghan. Bundaq ehwalda kan da'irilirining ötken hepte uqturush chiqirip, ishchilarning yilliq mukapatining bikar qilin'ghanliqini uqturushi ishchilarning ghezipini qozghap, 7000 din artuq ishchining naraziliq namayishigha seweb bolghan.

Xitay hökümiti teripidin sendawling kömür kéni dep nam bérilgen bu kömür kan, qumul wangliridin sha mexsut dewridila mewjut bolup, yerlik Uyghurlar arisida bu kömür kanni"Taranchi kömür kéni" dep atash omumlashqan. Ötken esirning 50 - 60 - yilliri bu kanda ishleydighan ishchilar arisida yerlik Uyghurlar mutleq köpchilikni igileydighan bolsimu, emma 90 - yillardin kéyin kan'gha asasen xitay köchmenliri ishqa élinip, nöwette bu kömürkan qumuldiki xitay köchmenliri toplashqan jaylarning birige aylan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet