"Qur'an kerim" we jaynamazlarning yighiwélinishi xelq'arada küchlük ghulghula qozghidi

Muxbirimiz eziz
2017-10-03
Share

Uyghurlar diyarida omumyüzlük ijra qiliniwatqan jaynamazlarni we diniy kitablarni, jümlidin "Qur'an kerim"ni mejburiy yighiwélish buyruqi heqqidiki xewerler radiyomizda bérilgendin kéyin xelq'arada zor ghulghula qozghawatqanliqi melum.

Bu heqtiki xewerler dunyadiki chong tillarda neshr qilinidighan axbarat wasitilirining hemmisidila dégüdek yer alghan bolup, bu xitayning diniy mesililerni qandaq "Hel qiliwatqanliqi" ni yene bir qétim dunyagha namayan qildi.

"Nyoyork pochtisi", "Awstraliye xewerliri", "Musteqilliq géziti" qatarliq dunyawi gézitler birdek xitay hökümitining "Diniy esebiylikke qarshi turush we térrorluqning aldini élish" namida Uyghurlarning öyliride saqliniwatqan diniy mezmundiki kitablar we jaynamazlarni yighiwalghanliqigha bolghan heyranliqini ipadiligen.

Xitay hökümiti we tashqi ishlar ministirliqi izchil türde bu xewerni inkar qilip kelmekte. 2-Öktebir küni xitayning pakistanda turushluq elchixanisining yuqiri derijilik emeldari jaw lijyen "Kündilik pakistan xewerliri"gézitining muxbiri bu mesile heqqide so'al sorighanda "Erkin asiya radi'osi xitaygha qarshi turidu, dunya Uyghur qurultiyi bolsa bölgünchi teshkilat. Shunga ularning bu xewerliri pütünley asassiz pitne-pasat" dep jawab bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.