Қурбан мамутниң тутқун қилиниши давамлиқ мәтбуатларниң диққитидә болмақта

Мухбиримиз әзиз
2020-06-10
Елхәт
Пикир
Share
Принт

Уйғур дияридики зор тутқунда ғайиб болған пешқәдәм журналист қурбан мамутниң тутқун қилинғанлиқи радийомиз тәрипидин дәлилләнгәндин кейин һәрқайси мәтбуат орунлири бу хәвәрни көпләп көчүрүп басти һәмдә техиму көп кишиләрниң бу мәсилигә диққитини қозғиди.

Болупму қурбан мамутқа охшаш мәдәнийәт саһәсидә узун мәзгил хизмәт қилған һәмдә яшинип қалған бир зиялийниң тутқун қилиниши хитай һөкүмити тәшвиқ қиливатқан «террорлуқ вә әсәбийликкә қарши туруш» намидики һәрикәтниң һәқиқий маһийитини техиму рошән ечип бәрди.

Америка хәлқара диний әркинлик комитетиниң комиссари нурий түркәл мәзкур комитетниң тивиттер бетидә буниңға баһа берип: «қурбан мамутниң тутқун қилиниши униң америкадики бала-чақилирини шундақла бизниң америкадики қошнилиримизни пәришанлиққа мәһкум қилмақта,» деди. У йәнә қурбан мамутқа охшаш һөкүмәт игидарчилиқидики мәтбуат орнидин пенсийигә чиққан бир тәһририниңму бу шамалдин аман қалмиғанлиқини әйиблиди.

Пикирләр (0)
Share
Толуқ бәт