Mutexessler: H79N tipliq qush zukam wirusi bu yil qishta yene partlish mumkin

Muxbirimiz jüme
2013-10-26
Share


H79N Tipliq qush zukam wirusining xitayda qayta bayqilishi heqqide toxtalghan mutexessisler peyshenbe küni, mezkur zukamning bu yil qishta yene partlaydighanliqidin shepe berdi.

H79N Tipliq qush zukimi bu yil martta xitayda tunji bayqalghandin buyan xitayda xéli jiddiylik peyda qilghan.

Gerche, bu zukam wehimisi bu yil yazda bir qeder peseygen bolsimu, mezkur zukamdin yuqumlan'ghan ikki kishining bu ayda yene bayqilishi munasiwetlik da'irilerni endishige salghan.

Ötken hepte jéjiyang ölkiside 35 yashliq bir xitay erning mezkur zukam bilen yuqumlan'ghanliqi bayqalghan idi.

Uningdin bashqa, bu ayda bu wirus öy qushlirini toshush sodisi qilidighan 65 yashliq yene bir erde bayqalghan.

Xitay tetqiqatchilar "Yawro közetküchisi" namliq tor zhurnilidiki maqaliliride, H7N9 tipliq mezkur wirus bu yil qish xitayda yene keng kölemde partlaydighanliqini misallar bilen sherhleshke tirishqan.

Ularning qarishiche, H79N tipliq zukam wirusi yuqumining yaz peslide kémiyishi, mezkur zukam wirusi salidighan tehditining peseygenlikidin dérek bermeydiken.

Bu zukam bu yil xitay we dunyaning bashqa jaylirida 45 ademning jénigha zamin bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet