Рабийә қадир ханим "хәлқаралиқ ләнтос кишилик һоқуқ мукапати" ға еришти

Мухбиримиз ирадә
2015-10-29
Share

Уйғур миллий һәрикити рәһбири рабийә қадир ханим "хәлқаралиқ ләнтос кишилик һоқуқ мукапати" ға еришти. Мәзкур мукапат мәркизи вашингтондики том ләнтос кишилик һоқуқ вә адаләт фонди тәрипидин тәсис қилинған.

Мәзкур фонди җәмийәт қарарини чаршәнбә күни өз тор бетидә елан қилди. Тор бәттин қариғанда, бу йиллиқ ләнтос кишилик һоқуқ мукапатиға рабийә қадир ханимдин башқа йәнә, аялларниң етиқад әркинлики вә мусулман аяллириниң баравәрлик мәсилисидә паалийәт қилип, китаб йезип кәлгән язғучи ершад манҗи вә шундақла қиз-аялларниң аилә ичи зораванлиққа учраш вә мәҗбурий никаһландурулушиға қарши күрәш қилип келиватқан аян хирси алий ханимларму еришкән.

Лантос кишилик һоқуқ вә адаләт фонди бу һәқтә елан қилған баянатида, бу ханимларниң мислисиз роһий бесим вә хәтәрләргә қаримай кишилик һоқуқ үчүн күрәш қилған қәһриманлар икәнликини билдүргән.

Игилинишичә, мукапатниң тарқитилиш мурасими бу йил 10- декабир күни америка пайтәхти вашингтонда өткүзүлидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт