Gawshyung shehirining bashliqi rabiye qadirning filimini qoyushta néme üchün ching turghanliqini ashkarilidi

Muxbirimiz erkin
2017-12-19
Élxet
Pikir
Share
Print

Yéqinda teywendiki bir neshriyat gawshyung shehirining bashliqi chén jüning eslimisini neshr qildi. Chén jü eslimiside 2009‏-yili ötküzülgen gawshyung xelq'ara kino féstiwalida Uyghur rehbiri rabiye qadir heqqidiki höjjetlik filimi seweblik kélip chiqqan krizis heqqide toxtilip, özining néme üchün bu filimni qoyushta ching turghanliqini chüshendürgen.

Teywen merkizi agéntliqining xewer qilishiche, chén jü "Xu'a anining yürek sözliri, chén jüning 4000 ming küni" mawzuluq eslimiside mezkur filimni qoyush-qoymasliq"Söz erkinliki, étiqad erkinliki we tüp kishilik qimmet qarishigha munasiwetlik mesile idi"dégen.

Awstraliyelik filim ishligüchining rézhissorluqidiki "Muhebbetning 10 sherti " serlewhilik bu filim 2009‏-yili gawshyi'ongda ötküzülgen xelq'ara filim féstiwaligha qatnashturulghan. Biraq gawshyung shehiri béyjing da'irilirining bu filimni féstiwalgha qatnashturmasliq heqqidiki qattiq bésimigha uchrighan. Béyjing hökümiti chén jüni ikki qirghaq otturisidiki dostluq keypiyatigha buzghunchiliq qilish bilen eyiblep, eger bu filim féstiwalgha qatnashturulsa, gawshyung shehirini jazalaydighanliqi, gawshyunggha kélidighan xitay sayahetchilirini toxtitidighanliqini bildürgen. Chén jü yene gawshyung sheherlik parlaméntitki gomindang parlamént ezalirining tenqidige uchrighan. Gomindangchilar bu filim seweblik gaw shyung shehiri uchraydighan ziyan'gha chén jü jawabkar bolidighanliqini ilgiri sürgen. Biraq chén jü béyjing hökümitining telipi we gomindangning bésimini ret qilghan.

Merkizi agéntliqining xewiride qeyt qilinishiche, chén jü eslimiside "Eger gaw shyung shehiri xitayning bésimida bu filimni qoymighan bolsa, bizning meydanimiz bolmighan bolatti". . . . . . . " Buninggha ölsekmu amal yoq, kallimiz ketsimu buninggha tewekkül qilishiz kérek idi. Chünki, bu söz erkinliki, étiqad erkinliki, tüp kishilik qimmet qarishigha alaqidar mesile idi"dégen.

Toluq bet