Xitay hökümiti rabiye xanimning teywen ziyaritige jiddiy inkas qayturdi

Muxbirimiz eziz
2017-02-08
Élxet
Pikir
Share
Print

Yéqinda teywendiki "Ittipaq jem'iyiti" dunya Uyghur qurultiyining re'isi rabiye qadir xanimni 3-ay ichide teywende ziyarette bolushqa teklip qilghan bolup, bügün xitay hökümitige qarashliq teywen ishliri bashqarmisi buninggha jiddiy inkas qayturdi.

"Xitay xewerliri tori" ning melumatlirida éytilishiche, xitay merkiziy hökümitige qarashliq teywen ishliri bashqarmisi bügün seherde muxbirlarni kütüwélish yighini ötküzgen. Yighinda muxbirlar rabiye xanimning teywen ziyaritige xitay hökümitining qandaq qaraydighanliqi heqqide so'al sorighanda, teywen ishliri bashqarmisining bayanatchisi en féngshen xitay hökümiti "Rabiye qadirning herqandaq shekildiki teywen ziyaritige qet'iy qarshi turidu. Teywen musteqilchilirining sherqiy türkistanchilarning kattiwéshi, shundaqla sépi özidin milliy bölgünchi bolghan rabiye qadirdek bir shexsni teywen'ge teklip qilishi, shübhisizki, ikki terep munasiwitini yamanlashturidu" dep jawab bergen.

Xitayche "Dowéy xewer tori" ning melumatlirida éytilishiche, rabiye qadir xanim bu heqte izchil halda "Teywen, sherqiy türkistan, tibet we jenubiy mongghuliye öz-ara teqdirdash. Shunga biz öz-ara ortaq chüshenche hasil qilish hemde tejribe almashturush üchün pikirlishishke, shundaqla öz-ara yardemlishishke mohtaj" dep kelmekte iken.

Toluq bet