Австралийә ахбарати рабийә қадир ханимниң хитайға наразилиқ билдүрүп ачлиқ елан қилидиғанлиқини хәвәр қилди

Мухбиримиз әркин
2018.04.20
Share on WhatsApp
Share on WhatsApp

Австралийә ахбарат ширкити‏- абч пәйшәнбә күни дуня уйғур қурултийи алий рәһбири рабийә қадир ханимниң хитайға наразилиқ билдүрүп ачлиқ елан қилидиғанлиқини хәвәр қилди.

Хәвәрдә көрситилишичә, рабийә қадир ханим хитайниң уйғурларға тутқан муамилисигә наразилиқ билдүрүш үчүн ачлиқ елан қилишқа тәйярлиқ қилмақта икән. Абч ниң хәвиридә, униң бу қийин йолни таллаш арқилиқ хәлқараниң диққитини уйғурларниң тәқдиригә қаратмақчи болуватқанлиқини билдүргән.

Рабийә қадир ханим абч ниң мухбириға бәргән баянатида, хитай һөкүмитиниң униң 37 нәпәр аилә әзасини тутқун қилғанлиқи, уни җимиқтуруш үчүн һәммә васитиләрни ишлитиватқанлиқини билдүрүп, “ялғуз мениң аилә әзалиримнила әмәс, бәлки бир милйондин артуқ уйғурни натсистларниң усулидики йиғивелиш лагерида тутуп турмақта” дегән. Рабийә қадир ханимниң ачлиқ елан қилиш пикири америка дөләт ишлар министирликиниң диққити хитайниң уйғур районидики “йепиқ тәрбийәләш лагерлир” иға буралған мәзгилдә елан қилинди.

Америкиниң юқири дәриҗилик бир дипломати икки күн аввал бейҗиңда “түмәнлигән” уйғур вә башқа мусулманларниң бу лагерларда тутуп турулуватқанлиқи, америкиниң “магнитиский қануни” ни ишқа селип, уйғур районида кишилик һоқуқни дәпсәндә қиливатқан хитай әмәлдарлириниң җазалиши мумкинликини билдүргән иди. Абч ниң хәвиридә көрситилишичә, рабийә қадир ханим йәнә пат йеқинда австралийәни йәнә зиярәт қилидиғанлиқи шундақла австралийә парламентида “уйғур-австралийә достлуқ гурупписи” ниң қурулушини күтидиғанлиқини билдүргән.

Рабийә қадир ханимниң қайси орунда ачлиқ елан қилидиғанлиқи техи мәлум әмәс. Абч ниң хәвиридә баян қилишичә, у ачлиқ елан қилинидиған орунниң тәстиқлинишини күтмәктәикән.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.