Awstraliye axbarati rabiye qadir xanimning xitaygha naraziliq bildürüp achliq élan qilidighanliqini xewer qildi

Muxbirimiz erkin
2018.04.20
Share on WhatsApp
Share on WhatsApp

Awstraliye axbarat shirkiti‏- abch peyshenbe küni dunya Uyghur qurultiyi aliy rehbiri rabiye qadir xanimning xitaygha naraziliq bildürüp achliq élan qilidighanliqini xewer qildi.

Xewerde körsitilishiche, rabiye qadir xanim xitayning Uyghurlargha tutqan mu'amilisige naraziliq bildürüsh üchün achliq élan qilishqa teyyarliq qilmaqta iken. Abch ning xewiride, uning bu qiyin yolni tallash arqiliq xelq'araning diqqitini Uyghurlarning teqdirige qaratmaqchi boluwatqanliqini bildürgen.

Rabiye qadir xanim abch ning muxbirigha bergen bayanatida, xitay hökümitining uning 37 neper a'ile ezasini tutqun qilghanliqi, uni jimiqturush üchün hemme wasitilerni ishlitiwatqanliqini bildürüp, “Yalghuz méning a'ile ezalirimnila emes, belki bir milyondin artuq Uyghurni natsistlarning usulidiki yighiwélish lagérida tutup turmaqta” dégen. Rabiye qadir xanimning achliq élan qilish pikiri amérika dölet ishlar ministirlikining diqqiti xitayning Uyghur rayonidiki “Yépiq terbiyelesh lagérlir” igha buralghan mezgilde élan qilindi.

Amérikining yuqiri derijilik bir diplomati ikki kün awwal béyjingda “Tümenligen” Uyghur we bashqa musulmanlarning bu lagérlarda tutup turuluwatqanliqi, amérikining “Magnitiskiy qanuni” ni ishqa sélip, Uyghur rayonida kishilik hoquqni depsende qiliwatqan xitay emeldarlirining jazalishi mumkinlikini bildürgen idi. Abch ning xewiride körsitilishiche, rabiye qadir xanim yene pat yéqinda awstraliyeni yene ziyaret qilidighanliqi shundaqla awstraliye parlaméntida “Uyghur-awstraliye dostluq guruppisi” ning qurulushini kütidighanliqini bildürgen.

Rabiye qadir xanimning qaysi orunda achliq élan qilidighanliqi téxi melum emes. Abch ning xewiride bayan qilishiche, u achliq élan qilinidighan orunning testiqlinishini kütmekte'iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet