Chet'ellerdiki Uyghurlar dunya musulmanliri bilen birge ramizan éyini bashlidi

Muxbirimiz ümidwar
2014-06-29
Élxet
Pikir
Share
Print


Pütün dunya musulmanliri qatarida Uyghur musulmanlirimu mubarek ramizan éyini bashlidi.

Chet ‘ellerde yashawatqan Uyghurlarning erkin - azade ramizan éyini bashlap, özlirining tunji rozisini tutushqa bashlidi. Melum bolushiche, yawropa, amérika, türkiyeni öz ichige alghan ottura sherq elliridiki Uyghurlarning xéli köp qisimi 28 - iyun küni roza tutushni bashlighan bolsa, yene köp bir qisimi 29 - iyun bashlighan.

Amérikidiki Uyghurlarning xéli köp qisimi 28 - iyun küni, yene bir qisimi 29 - iyun küni roza tutushni bashlighan.

"11 Ayning sultani" dep atalghan ramizan éyining musulmanlar üchün du'a - tilawet, xeyr - saxawet hemde öz'ara qérindashliq, dostluq, tinchliq we ittipaqliq tuyghunlirini kücheytish éyi ikenliki melum.

Közetküchilerning yeküniche, 30 künlük roza tutush arqiliq achliq, ussuzhluqning temini tétip, achliq, yoqsulluq ichide yashighan insanlargha yardem bérish, insanlar ara öz'ara köyünüsh hem méhri - muhebbetni ashurushning muhimliqini chüshinip yetkili bolidu.

Bu yilliq ramizan éyi tomuzning eng issiq we künning eng uzun waqtigha toghra kelgen bolup, roza tutush waqti eng uzun hésablinidu.

Melum bolushiche, sabiq sowét ittipaqidin ayrilip chiqqan ottura asiya jumhuriyetliri we herqaysi gherb memliketliride yashawatqan Uyghurlar arisida roza tutush, ramizan éyini qedirlesh en'enisi küchiyishke bashlighan.

Uyghurlar arisida kolléktip iptarlash qatarliq adetler küchiyishke bashlighan bolup, bu Uyghurlar arisidiki birlik, ömlük tuyghusi we öz milli we diniy en'enilirini saqlashta paydiliq iken. Nöwette, her qaysi jem'iyetlerning kolléktip iptarlash pa'aliyetliri bashlinip ketken.

Toluq bet