Yopurgha bilen qutubi nahiyesi ramizanda yene diniy pa'aliyetlerni qattiq teqip qilishqa da'ir uqturush chiqarghan

Muxbirimiz erkin
2017-05-26
Share

Uyghur ilining yopurgha bilen qutubi nahiyeliridiki yéza-kentlerde ramizanliq tekshürüsh we teqip qilish kücheytilgen. Yopurgha nahiyesi töwen eshmen kenti yéqinda tarqatqan yopurgha nahiyesining ramizanliq qararini ijra qilish heqqidiki uqturushida, kenttiki puqralarni her xil“Radikalliq” xa'ishlarni, térrorluq sini körgenlerni pash qilishqa righbetlendürüp, kéchilik charlashni kücheytish telep qilin'ghan.

Kentning uqturushida körsitishiche, ramizan jeryanida kent boyiche her küni kündüzi 10 kishi  nöwetchilik qilish, kéchisi 20 kishi nöwetchilik qilish, her küni kéche sa'et 11 din bir giche kenttiki meschitlerni charlap, kishilerni tizimlash, diniy zatlarning ehwalini igilep turush, sirttin kelgen kishilerni tizimlash, sirttin kelgen herqandaq kishining diniy tebligh qilishini cheklesh otturigha qoyulghan.

Qutubi nahiyesining ramizan harpisida tarqatqan  2017‏-60‏-nomurluq uqturushida, yéza-kentlerning ramizanda puqralarni“Jihad” ning mahiyitini pash qilish toghrisidiki siyasi kurs we pa'aliyetlerge uyushturush, “Radikalliq” ning 26 xil ipadisige da'ir söhbet yighini ötküzüsh, roza tutushni teshwiq qilishni cheklesh, puqralargha markisizmliq terbiye élip bérish, diniy sorunlarda 24 sa'etliq nazaretni yolgha qoyush, sirttin kelgen aptomobil we shexslerni, nuqtiliq a'ile hem kishilerni nazaret qilishni kücheytish qatarliqlar pa'aliyet we tedbirlerni élip bérishni yolgha qoyushni telep qilghan.

Xitay hökümiti xitayda musulmanlarning dinyi erkinlikige toluq hörmet qiliniwatqanliqini bildürüp, kishilik hoquq teshkilatlirining bu jehettiki tenqidlirini ret qilsimu, biraq heryili ramizanda musulmanlargha yuqiriqidek tedbirlerni yüzgürüp kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet