Uyghur rayonida ramizan harpisida "Térrorluq"qa qarshi turush birleshme manéwiri ötküzüldi

Muxbirimiz erkin
2017-05-26
Share

Xitay hökümiti musulmanlarning ibadet éyi- muqeddes ramizan harpisida azadliq armiye, qoralliq saqchi, chégra qoghdash qisimliri, bingtüen we j x organlirining birleshme "Térrorluq"qa qashi manéwiri ötküzgen.

"Tengritagh " torining xewiride körsitishiche, "Chégra birleshme heriket‏-2017‏‏" dep nam bérilgen manéwir ürümchi bilen ili oblastida ötküzülgen. Xewerde, manéwirning konkrét orni tilgha élinmighan bolsimu, biraq 4 ming kishilik manéwirning asasliq meydani ürümchide, tarmaq meydani ili oblastida ötküzülgenlikini bildürüp, manéwirni Uyghur aptonom rayonluq partkom, hökümet, xelq qurultiyi, siyasi kéngesh, shinjang herbiy rayoni, bingtüen  we qoralliq saqchi qisim mes'ullirining körgenlikini bildürgen.

Xewerde ashkarilishiche, manéwirda rast oq ishlitilgen bolup, manéwir xitay birleshme amanliq küchlirining Uyghur rayonigha suqunup kirgen atalmish xelq'ara térrorluq teshkilati ezalirining qoral-yaraq yötkesh yoli we chet'eldiki meshq bazisigha hujum qilish teqlid qilin'ghan.

Xitay hökümiti sherqiy türkistan islam herikiti ezalirining süriyede qoral-yaraq telimi we emiliy urush tejribisige ériship, Uyghur rayonida "Térrorluq" herikiti élip bérish pilani barliqini ilgiri sürüp kelgen bolsimu, biraq bu qarishini ispatdighan héchqandaq bir delil otturigha qoyup baqmighan. Uning  25‏-maydiki birleshme manéwiri del musulmanlarning muqeddes ibadet éyi-ramizanning harpisigha toghra kelgen. Da'iriler manéwirning ramizan'gha toghra kélip qélishigha héchqandaq chüshenche bermigen bolsimu, biraq u, ramizanda qattiq bixeterlik tedbirlerni alghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet