Ramizan mezgilde Uyghur oqughuchilar yémek yéyishke mejburlan'ghan

Xitay da'iriliri Uyghur kadirlarni din'gha ishenmeslikke, namaz, roza qatarliq diniy ibadetlerdin yiraqlishishqa, hetta a'ile tawabi'atlirinimu yiraqlashturushqa tirishiwatqanliqi, ularning uruq-tughqanliridin shundaq kishiler bayqalsa Uyghur kadirlarni chétip jazalawatqanliqi, ramizan mezgilde bashlan'ghuch-ottura mektep oqughuchilirini mekteplerde yémek-ichmek pa'aliyetlirige teshkillep, ularning roza tutqan-tutmighanliqini bilish üchün heriket élip bériwatqanliqi xelq'ara metbu'atlarda xewer qilinip kelmekte.

Bu hepte ijtima'iy alaqe torlirida tarqalghan resimlik xewerdin melum bolushiche, ürümchidiki tébabet uniwérsitétning Uyghur oqughuchilirigha ders ariliqidiki teneppusta méwe-chéwe, ussuluq su we yémeklik tarqitilip, ularning roza tutqan-tutmighanliqi tekshürülgen.

Melum bolushiche, Uyghur élidiki bashqa aliy mekteplerdimu oqughuchilargha mejburi yémeklik yégüzüsh pa'aliyetliri élip bérilghan. Roza tutqanliqi ashkarilan'ghan oqughuchilar agahlandurush hetta mekteptin heydilish jazalirigha uchrighan.