Uyghur élida yürgüzülüwatqan ramizanliq cheklimiler dunya axbaratlirida keng orun aldi

Muxbirimiz irade
2015-07-02
Share

Xitay hökümitining Uyghur élida yolgha qoyghan ramizanliq cheklimiliri dunyada küchlük inkas qozghimaqta. Bügün amérikining s n n qanili bu heqte xewer tarqitip, xitay hökümitining Uyghur élida türlük amallar arqiliq Uyghurlarning rozi tutushini cheklewatqanliqini xewer qildi.

S n n muxbiri jing nahiyisidiki yémek-ichmek, sehiye idarisige téléfon qilip, idarining tor bétige néme üchün rozi tutmasliq, diniy pa'aliyetler bilen shughullanmasliq heqqide uqturush chiqirip qoyghanliqini sorighan. Téléfon'gha jawab bergen xadim "Bizning meqsitimiz diniy esebiyliktin saqlinish" dégen. Bu xadim yene hökümet xadimliridin bashqa kishilerning rozi tutushining cheklenmeydighanliqini bildürgen. Emma xewerde bayan qilinishiche, aridin bir qanche sa'et ötüpla tor bettiki uqturush öchürüwétilgen.

Muxbir yene börtalaning tumshuq yézisidiki bir ottura mektepke téléfon qilip mektep tor bétige chiqirip qoyulghan rozi tutmasliq heqqidiki uqturushni sorighan. Téléfon'gha jawab bergen kishi buning pütkül Uyghur éli boyiche bir tutash chüshürülgen uqturush ikenlikini, özlirining bu arqiliq hökümet kadirliri we oqughuchilarni diniy pa'aliyet bilen shughullinishtin saqlaydighanliqini éytqan.

S n n xewiride, xitay hökümitining ramizanliq cheklimilirige qarshi türkiye hökümitining naraziliq bildürgenlikini, xitay hökümitining Uyghurlarning saqal qoyushidin, yaghliq chégishigiche arilishidighanliqini bayan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet