Рейна кулуби қатили рәсмий түрдә қолға елинди

Мухбиримиз үмидвар
2017.02.12
Share on WhatsApp
Share on WhatsApp

Йеңи йил кечиси истанбулдики рейна кәчлик кулубида қирғинчилиқ елип барған, келип чиқиши өзбекистанлиқ абдуқадир машарипов истанбул районлуқ сотиниң қарари билән рәсмий түрдә қолға елинған.

Оттура асия учур ториниң түркийә мәтбуатлиридин нәқил елишичә, истанбул сақчи идарисиниң террорлуққа қарши күрәш қилиш башқармиси 16-январ күни абдуқадир машариповни қолға чүшүргәндин кейин, униң делоси үстидә тәкшүрүш елип барған болуп, у өзиниң “асасий қанун түзүмини ағдурушқа урунуш”, “террорлуқ тәшкилатиниң паалийәтлиригә қатнашқанлиқи вә тинч пуқраларни өлтүргәнлики” қатарлиқ җинайәтлирини етирап қилған.

Абдуқадир машарипов 2017-йилини күтүвелиш йеңи йил кечисидә истанбулдики мәшһур рейна кулубиға суқунуп кирип, аптоматик қорал билән оқ чиқирип, 39 адәмни өлтүрүп, 69 адәмни яриландурғандин кейин 16 күн йошурунуп йүрүп ахири қолға чүшкән иди. У, өзиниң рейна кулубиға һуҗум қилиш җәряни, кимниң өзигә буйруқ бәргәнлики вә өзиниң даиш әзаси икәнлики қатарлиқларни етирап қилған шуниңдәк мәзкур мәлуматлар илгири мәтбуатларда ашкариланған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт