Америкилиқ рәссам уйғурлар тәсвирләнгә әсәрлири билән көзгә көрүнгән

Мухбиримиз җүмә
2015-01-03
Share


Америкилиқ рәссам җой боствик уйғур елигә келип йәрләшкән вә уйғурларниң күндилик һаяти - паалийити тәсвирләнгән рәсимлири арқилиқ район миқясида көзгә көрүнгән рәссамларниң биригә айланған.

"хитай күндилик гезити" ниң 1 - январдики хәвиригә қариғанда, җой ханим америкиниң аризона штатидин болуп, 2011 - йили уйғур елигә аилиси билән келип йәрләшкән.

- 2014Йили 5 - декабир бейҗиңда униң "шинҗаң порти" намлиқ шәхсий көргәзмиси ечилған.

Хәвәрдә нәқил қилишичә, у мундақ дегән: мән аиләм биллә нурғун уйғурлар яшайдиған бир мәһәллидә яшаймиз. У, нурғун адәмләр "у йәргә бармаңлар, у йәр бәк хәтәрлик" дәйдиған мәһәллә иди. Әмма у йәрдә бизниң һаятимиз бәк раһәт ичидә өтмәктә. Қошнилиримиз бизгә бәкму достанә муамилә қилиду.

Униң көргәзмиси бейҗиңдики "бейҗиң америка мәркизи" дә ечилған болуп, ечилиш мурасимиға 20 гә йеқин уйғурни өз ичигә алған, 100 дәк адәм қатнашқан.

Җой ханим шималий аризона университетиниң сәнәт вә испан тили кәспини пүттүргән вә 2009 - йили тунҗи қетим уйғур елигә барғандин кейин у йәрни яхши оруп қалған.

Хәвәрдә көрситишичә, у, уйғур елидә йүз бәргән вәқәләр һәққидә тохталғандин кейин: мән һазирға кәлгүчә у йәрдә һечқандақ хәтәрлик һадисигә йолуқуп бақмидим. Мән у җайни бәк яхши көримән. Кәлгүсидә шималий шинҗаңни зиярәт қилишни ойлаватимән дегән.

Җой ханим мәхсус уйғурлар тема қилинған рәсимлири билән көзгә көрүнгән тунҗи америкилиқ рәссам болса керәк.

Униң рәсимлири уйғур ели бойичә өткүзүлгән һәр хил көргәзмиләргиму талланған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт