Roytérsning xitaydiki xewer tor béti échilmaydighan bolup qalghan

Melum bolushiche, roytérs agéntliqining xitaydiki xewer tor béti échilmaydighan bolup qalghan.

Ularning 20 - mart xewer qilishiche, mezkur shirketning xitaydiki in'glizche we xitayche betliri oxshash taqilip qalghan.

Uningdin bashqa “Nyu - york waqit géziti”, “Blumbérg”, “Wal strét zhurnili” qatarliq xewer torbetlirimu xitayda melum mezgil échilmay qilghan.

Xitaydiki tor boshluqini bashqurush idarisi bu heqte roytérsning yazma so'allirigha jawab bermigen.

Halbuki, roytérsning xitaygha iqtisadiy xewer tarqitidighan tarmiqi tosalmighan.

Xitayda chet'el axbaratlirining taqilip qélish hadisisi yéngiliq emes.

Chet'el axbaratlirida her qachan xitay hökümiti yaki hökümet rehberlirige a'it birer “Sezgür xewer” bérilip qalsa, uzun ötmeyla shu axbaratlarning xitaydiki xewer tor betliri taqilip qalidighan ehwallar körülidu.