Uyghur proféssor reyhan bekturning tetqiqat türi nasaning mukapatigha érishti

Muxbirimiz irade
2015-08-06
Share

Amérikining yuta shtatliq uniwérsitéti kompyutér we éliktér inzhénérliqi fakultétining yash Uyghur proféssori reyhan bektur amérika döletlik alem qatnash idarisi (nasa) ning yilliq kichik anténna téxnika hemkarliqi türi boyiche tarqitilidighan mukapatigha érishti.

Igilinishiche, nasaning bu yilliq mukapatigha amérika boyiche 100 din artuq alim iltimas qilghan. Buning ichide peqet 8 neper kishila bu yilliq mukapatqa érishken. Reyhan bektur ene shu 8 kishining ichidiki biridur.

Doktor reyhan bektur nasaning “Goddard alem uchush merkizi” bilen hemkarliship, yer sharigha yéqin wezipilerni üstige alidighan alem uchqulirigha ishlitidighan yéngi tiptiki anténna yasap chiqidiken. Bu yéngi tetqiqat eng yéngi, eng ünümlük we tennerxi töwen bolghan alem tekshürüshte ishlitilidighan anténnani barliqqa keltüridiken.

Proféssor reyhan bektur bultur amérikining wirjiniye shtatidiki Uyghur jama'itining sahibxaniliqida ötküzülgen “Ewladlar ara” pa'aliyitige qatniship, amérikida chong boluwatqan Uyghur yash-ösmürlirige özining tejribe sahesini tonushturghan we ularni bu sahelerge yönilishke righbetlendürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet