Б д т баш катипи хәвпсизлик кеңишидә роһенга мәсилисидин доклат бериду

Мухбиримиз әркин
2017-09-26
Share

Б д т баш катипи антонио гутерес пәйшәнбә күни б д т хәвпсизлик кеңишидә роһенга мусулманлириниң вәзийитидин доклат бериду.

Антонио гутерес йеқинда бирма аманлиқ күчлириниң роһенга мусулманлириға қарши елип барған һәрикитини "етник тазилаш" дәп тәриплигән.

Ротерсниң хәвәр қилишичә, хәвпсизлик кеңишиниң 15 әзасидин 7 си гутересниң хәвпсизлик кеңишидә доклат беришини тәләп қилған. Бу тәләпни шиветсийә, америка, әнглийә, фирансийә, мисир, сенегал, қазақистан қатарлиқ дөләтләр оттуриға қойған.

Ройтерсниң хәвиридә йәнә, антонио гутерес пәйшәнбә күни доклат бериштин бурун б д т ниң сиясий ишларға мәсул әмәлдари җефрей фелтманниң сәйшәнбә күни тәйярлиқ доклати беридиғанлиқини билдүргән.

Американиң муавин президенти майк пәнсе өткән чаршәнбә күни президент доналд трамп б д т хәвпсизлик кеңишиниң роһенга мәсилисидә "күчлүк вә тез һәрикәт" қоллинип, зораванлиққа хатимә беришини үмид қилидиғанлиқини билдүргән иди. Бирақ хәвпсизлик кеңишиниң бирмаға қарши күчлүк қарар чиқириши хитай билән русийәниң тосқунлуқиға учриған.

Хитай бирманиң роһенгалар олтурушлуқ "раһен штатидики аманлиқ тәдбирлирини қоллайдиғанлиқи" ни билдүргән.

Хәвпсизлик кеңиши русийә билән хитайниң рәт қилиш һоқуқини қоллинишидин қечип һазирға қәдәр рәсмий қарар чиқиралмиди. У пәқәт бу айниң башлирида ғәйрий рәсмий баянат елан қилип, зораванлиқни тәнқид қилған вә бермани зораванлиққа хатимә беришкә чақирған.

Бәзи көзәткүчиләр, хитайниң йүннән өлкисидин бирма арқилиқ һинди окянға чиқидиған газ туруба йолиниң мусулманлар районидин өтидиғанлиқи, униңдин сирт роһенга кризис униң уйғур мусулманлириға қаратқан сияситигә берип тақилишидин әндишә қилидиғанлиқини илгири сүрүп кәлди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт