B d t bash katipi xewpsizlik kéngishide rohén'ga mesilisidin doklat béridu

Muxbirimiz erkin
2017-09-26
Share

B d t bash katipi antoni'o gutérés peyshenbe küni b d t xewpsizlik kéngishide rohén'ga musulmanlirining weziyitidin doklat béridu.

Antoni'o gutérés yéqinda birma amanliq küchlirining rohén'ga musulmanlirigha qarshi élip barghan herikitini "Étnik tazilash" dep teripligen.

Rotérsning xewer qilishiche, xewpsizlik kéngishining 15 ezasidin 7 si gutérésning xewpsizlik kéngishide doklat bérishini telep qilghan. Bu telepni shiwétsiye, amérika, en'gliye, firansiye, misir, sénégal, qazaqistan qatarliq döletler otturigha qoyghan.

Roytérsning xewiride yene, antoni'o gutérés peyshenbe küni doklat bérishtin burun b d t ning siyasiy ishlargha mes'ul emeldari jéfréy féltmanning seyshenbe küni teyyarliq doklati béridighanliqini bildürgen.

Amérikaning mu'awin prézidénti mayk pensé ötken charshenbe küni prézidént donald tramp b d t xewpsizlik kéngishining rohén'ga mesiliside "Küchlük we téz heriket" qollinip, zorawanliqqa xatime bérishini ümid qilidighanliqini bildürgen idi. Biraq xewpsizlik kéngishining birmagha qarshi küchlük qarar chiqirishi xitay bilen rusiyening tosqunluqigha uchrighan.

Xitay birmaning rohén'galar olturushluq "Rahén shtatidiki amanliq tedbirlirini qollaydighanliqi" ni bildürgen.

Xewpsizlik kéngishi rusiye bilen xitayning ret qilish hoquqini qollinishidin qéchip hazirgha qeder resmiy qarar chiqiralmidi. U peqet bu ayning bashlirida gheyriy resmiy bayanat élan qilip, zorawanliqni tenqid qilghan we bérmani zorawanliqqa xatime bérishke chaqirghan.

Bezi közetküchiler, xitayning yünnen ölkisidin birma arqiliq hindi okyan'gha chiqidighan gaz turuba yolining musulmanlar rayonidin ötidighanliqi, uningdin sirt rohén'ga krizis uning Uyghur musulmanlirigha qaratqan siyasitige bérip taqilishidin endishe qilidighanliqini ilgiri sürüp keldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet