Roza héytta ningshyaliq tungganlar besh kün, Uyghurlar bir kün qoyup bérilidu

Muxbirimiz erkin
2013-08-02
Share

Roza héytta, ningshyaliq tungganlarning 5 kün, Uyghur élide musulmanlarning bir kün qoyup bérilishi munazire qozghighan.

Uyghur aptonom rayonluq xelq hökümiti yéqinda uqturush chiqirip, 8‏-awghust roza héyt munasiwiti bilen musulmanlarning bir kün qoyup bérilishini telep qilghan. Lékin oxshash bir mezgilde, ningshya tunggan aptonom rayoni musulmanlarni roza héytliq 5 kün qoyup bérish heqqide uqturush chüshürgen. Ningshyada musulmanlar 7‏-awghust qoyup bérilip, 12-awghust xizmetke chüshidiken.

Bir döletning hakimiyiti astidiki ikki rayonning musulmanlargha chiqarghan ikki xil belgilimisi torda munazire qozghap tenqidke uchridi. Bezi tordashlar bu ikki xil belgilimini "Bir dölettiki ikki xil tüzüm" dep teripligen.

Chet'eldiki Uyghur teshkilatliri we xelq'ara kishilik hoquq organlirining ilgiri sürüshiche, xitay hökümiti ikki xil ölchem qollinip, tungganlargha diniy kengchilik, Uyghurlarning diniy erkinlikini basturush siyasiti yürgüzüp kelgen.

Xitay hökümiti 1980‏-yildin burun, Uyghur aptonom rayonida Uyghurlarni roza héytliq 3 kün, xitaylarni bir kün qoyup béretti. 80‏-Yillarning bashliridin étibaren, Uyghurlani qurban héytta 3 kün, roza héytta bir kün qoyup bérishni yolgha qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet