Güentanamodin azad qilin'ghan Uyghurlar bérmudada pasport qiyinchiliqigha yoluqti

Muxbirimiz méhriban
2017-02-28
Share

En'gliye hamiyliqidiki aral döliti bérmudada chiqidighan bérmuda xewerliri gézitidin melum bolushiche, 2009-yili amérikining güentanamo türmisidin azad qilinip, bérmudagha yerleshtürülgen 4 neper Uyghurning en'gliye pasporti iltimasi testiqlanmighanliqi üchün, bu Uyghurlar we ularning a'ile ezaliri bashqa döletlerge bérip sayahet qilish, dawalinish imkaniyitidin mehrum qalghan.

Xewerde, bérmudagha yerleshken 4 neper Uyghurning ichidiki abdullah abduqadirning adwokati richard horsmenning sözi neqil élinip: "Abdullahning oghli éghir késel bolghachqa, bérmudadiki doxturlar uning bashqa döletlerge bérip dawalinishini tewsiye qilghan. Emma 2-ayning 5-küni en'gliye hökümitige sun'ghan jiddiy pasport iltimasigha jawab qayturulmighini üchün balini dawalash waqti ötüp kétiwatidu" déyilgen.

Xewerdin melum bolushiche, bérmudagha yerleshtürülgen 4 neper Uyghurning en'gliye tewelikidiki puqraliqqa iltimas qilish waqti 2013-yilila toshqan bolsimu, emma en'gliye hökümitining bu Uyghurlarning pasport iltimasini qobul qilishni qerelsiz keynige sürüshi, bérmudadiki töt neper Uyghur we ularning a'ile ezalirining chet'ellerge bérishigha éghir tosalghu bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet