Rusiye ukra'ina mesilisige a'it bérlin yighinigha qatnishishqa maqul boldi

Muxbirimiz ümidwar
2015-01-04
Share


Rusiye tashqi ishlar ministirliki rusiyening 5 - yanwar küni gérmaniyening bérlin shehiride ötküzülidighan ukra'ina mesilisige a'it xelq'araliq yighin'gha qatnishidighanliqini bildürgen.

Itartass agéntliqining xewer qilishiche, mezkur yighin'gha ukra'ina, gérmaniye we fransiye wekilliri qatnishidu, rusiye terep yighin'gha rusiye tashqi ishlar ministirlikining musteqil döletler hemdostluqi ishlirigha mes'ul emeldari wiktor sorokinni ewetidiken.

Yighinda asasliqi ukra'ina weziyiti we minsk kélishimi mesilisi muhakime qilinidiken. Buningdin bashqa yene 15 - yanwar küni qazaqistan paytexti astana shehiride ukra'ina, rusiye, fransiye we gérmaniye rehberlirining qatnishishi bilen mexsus uchrishish bolidu. Ukra'ina prézidénti poroshénko özining bu yighin'gha qatnishidighanliqini bildürgen, u astanada putin bilen ayrim uchrishishi mumkin iken.

Xewerlerdin melum bolushiche, ukra'ina mesilisige a'it bu yighinlargha xitay terepning wekil qatnashturidighanliqigha a'it uchurlar yoq.

Sherqiy ukra'inada ötkichi isyanchi küchler bilen ukra'ina armiyesi arisida urush partlighandin buyan 4 mingdin artuq adem ölüp bir tümendin artuq adem yarilandi. Özlirini luganks we donétsk xelq jumhuriyetliri dep atighan rusiyeperes küchler yenila öz idiyisidin yanmighan. Bu xil weziyet rusiye bilen gherb arisidiki munasiwetlerge izchil selbiy tesir körsitip kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet