Камерон русийәниң һава һуҗумлириниң әсәд һөкүмитигә ярдәм бериш үчүн икәнликини тәнқид қилди

Мухбиримиз үмидвар
2015-10-04
Share

Русийә армийиси өткән һәптә сүрийәдә һава һуҗумлирини башлиғандин кейин. Хәлқара җәмийәт русийә һава һуҗумлириниң “ислам дөлити” нишанлириға әмәс, бәлки әсәдкә қарши өктичи қораллиқ гуруппиларниң нуқтилириға зәрбә беришни мәқсәт қилғанлиқини тәнқид қилған иди.

Бүгүн, әнглийә баш, министири давид камерон русийә президенти владимир путинни йолини өзгәртип, америка вә бертанийәниң “ислам дөлити билән болған күришини күчәйтишни қоллашқа” чақирди.

Әнглийә б б с агентлиқиниң зияритини қобул қилған давид камерон сөзидә русийәниң әсәдни қоллишини еғир хаталиқ дәп көрсәткән. У: уларниң әсәдни қоллиши, уларниң өзлири үчүн еғир хаталиқ болупла қалмастин, бәлки дуня үчүнму хаталиқ, чүнки бу пәқәт райондики муқимсизлиқни күчәйтиветиду, дегән. У, русийәниң пәқәт өктичи қораллиқ гуруппиларни бомбардиман қиливатқанлиқини тәкитлигән.

Камерон йәнә русийәниң бу һәрикитиниң пәқәт әсәдкә ярдәм бериш икәнликини көрсәткән. Лекин, русийә тәрәп өзлириниң елип барған һава һуҗумлириниң русийә һөкүмити қанунсиз дәп бекиткән “ислам дөлити” күчлиригә қаритилғанлиқида чиң турмақта. Йәкшәнбә күни әсәд русийә, иран вә ирақтин ибарәт итипақчилирини мувәппәқийәт қазинишқа чақирған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт