Kaméron rusiyening hawa hujumlirining esed hökümitige yardem bérish üchün ikenlikini tenqid qildi

Muxbirimiz ümidwar
2015-10-04
Share

Rusiye armiyisi ötken hepte süriyede hawa hujumlirini bashlighandin kéyin. Xelq'ara jem'iyet rusiye hawa hujumlirining “Islam döliti” nishanlirigha emes, belki esedke qarshi öktichi qoralliq guruppilarning nuqtilirigha zerbe bérishni meqset qilghanliqini tenqid qilghan idi.

Bügün, en'gliye bash, ministiri dawid kaméron rusiye prézidénti wladimir putinni yolini özgertip, amérika we bértaniyening “Islam döliti bilen bolghan kürishini kücheytishni qollashqa” chaqirdi.

En'gliye b b s agéntliqining ziyaritini qobul qilghan dawid kaméron sözide rusiyening esedni qollishini éghir xataliq dep körsetken. U: ularning esedni qollishi, ularning özliri üchün éghir xataliq bolupla qalmastin, belki dunya üchünmu xataliq, chünki bu peqet rayondiki muqimsizliqni kücheytiwétidu, dégen. U, rusiyening peqet öktichi qoralliq guruppilarni bombardiman qiliwatqanliqini tekitligen.

Kaméron yene rusiyening bu herikitining peqet esedke yardem bérish ikenlikini körsetken. Lékin, rusiye terep özlirining élip barghan hawa hujumlirining rusiye hökümiti qanunsiz dep békitken “Islam döliti” küchlirige qaritilghanliqida ching turmaqta. Yekshenbe küni esed rusiye, iran we iraqtin ibaret itipaqchilirini muweppeqiyet qazinishqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet