Русийәниң йеңи һәрбий тәлиматида нато асасий хәвп супитидү бекитилди

Мухбиримиз үмидвар
2014-12-28
Share


Җүмә күни русийә президенти владимир путин русийәниң йеңи һәрбий тәлиматини тәстиқлиған болуп, русийә аммиви ахбарат васитилириниң хәвәр қилишичә, ушбу һөҗҗәттә русийә үчүн әң асасий һәрбий хәвпләр сүпитидә нато қудритиниң ешиватқанлиқи вә айрим районлардики муқимссизлиқлар қәйт қилинған.

Ройтерсниң хәвәр қилишичә, путин ички тәһдитләр сүптидә русийә айрим районлиридики муқимсизлаштуруш вә терроризм паалийитини мисал қилип көрсиәткән.

Буниңдин илгири президент владимир путин 2010 йили мақулланған русийиниң һәрбий тәлиматини бикар қилиш һәққидики пәрманға имза қойғанлиқи һәққидә хәвәр қилинғаниди. Президент путин русийиниң һәрбий тәлимати бундин кейин мудапиә йөлинишидә болиду дәп ейтқан.

Бу йил 3 - айда русийәниң қиримни қошувелишидин кейин шәрқий украинадики вәзийәт күнсайин җиддийлишип, ғәрб билән русийә арисидики ихтилап өткүрләшти, ғәрб,болупму найо украина мәсилисидә изчил русийәни әйибләп кәлди һәмдә украинани қоллимақта иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт