Русийидә пойиз истансиси партлиди

Йәкшәнбә күни, чүштә русийиниң волгаград шәһиридики пойиз истансисида өзини өлтүрүш характерлик партлаш вәқәси йүз берип, аз дегәндә 16 адәм өлди вә 40 тин артуқ адәм яриланған.

Русийиниң интерфакис агентлиқиниң хәвәр қилишичә, бу бир террорлуқ һуҗуми болуп, һуҗумни садир қилғучиларниң әр болуш еһтималлиқи зор. Бирақ русийә мәтбуатлириниң йезишичә, тәкшүргүчи хадимлар бу вәқәни бир дағистанлиқ аялниң елип барғанлиқини җәзмләштүргән.

“ невсру” ториниң хәвәр қилишичә, мәзкур аялниң кимлики бекитилгән болуп, униң исми оксана асланова икән. Униң достиниң исми найида асиялова болуп, у бу йил волгаград шәһиридә йүз бәргән аптобус партлитиш вәқәси билән гуманлинип, тутуш буйруқи чиқирилған.

Волгаград области 1-3-январ күнлири пүтүн област бойичә матәм паалийәтлири өткүзүшни бекиткән. Президент путин волгаградтики вәқәдә өлгәнләрниң аилиси вә яридар болғанларға ярдәм бериш буйруқи чиқарған.

Волгаград области бу вәқә мунасивити билән мәзкур област тәвәсидә террорлуқ гурупписиниң һәрикәт қиливатқанлиқини елан қилған.

Волгаградниң әлси исми сталинград болуп, 1943-йили совет хәлқи гитлер армийисини бу шәһәрдә мәғлуп қилип, 2-дуня урушиниң тәқдирини өзгәрткән иди.