Rusiye gherbning pul - mu'amile bésimigha taqabil turushqa heriket qildi

Muxbirimiz ümidwar
2015-05-03
Élxet
Pikir
Share
Print


Rusiye prézidénti putin "Briks", yeni "Altun kések" teshkilatiga eza döletlerning birleshme meblegh fondi qurush pilanini testiqlap, rusiyening mezkur meblegh fondigha qatnishishini küchke ige qildi. 100 Milyard dollarliq meblegh fondigha rusiye, xitay, hindistan, braziliye we jenubiy afriqa qatnashqan bolup, xitay 41 milyard dollar, rusiye 18 milyard, jenubiy afriqa 5 milyard dollar meblegh ajratti. Mezkur ortaq meblegh fondi ötken yili otturigha qoyulghan, rusiye terep mana emdi testiqlidi.

Fransiye agéntliqining xewiride éytilishiche mezkur ortaq meblegh fondining meqsiti gherbning meblegh we iqtisadiy qamaligha qarshi turushtin ibarettur. Ötken yilidin étibaren rusiye ukra'ina krizisi tüpeylidin gherbning iqtisadiy imbargosigha uchrighandin kéyin xitay qatarliq döletler bilen bolghan iqtisadiy alaqilerni kücheytishke tirishqan idi.

Putin "Briks" teshkilatining ortaq meblegh fondidin bashqa yene oxshash bir künde rusiyening sherqiy liniye boyiche xitayni tebi'iy gaz bilen teminlesh turuba qurulushi kélishimini resmiy testiqlidi.

Toluq bet