Rusiye puqraliri hökümet da'irilirining ormanliqlarni xitaygha sétishigha narazi bolmaqta

Muxbirimiz ümidwar
2018-03-25
Share

Yéqinda rusiye metbu'atlirida ahalilerning iptida'iy ormanliqlar we bayqal köli rayonidiki bezi yerlerni xitay sodigerlirige töwen bahada uzun mezgillik ijarige bérish we sétishqa qarshi naraziliq keypiyatliri küchiyishke bashlighanliqigha a'it xewerler köpeygen.

Rusiyening "Néwsland" torining 21-mart künidiki bir tepsilatida bayan qilinishiche, yéqinda xitay meblegh salghuchiliri rusiyening sibiriyege jaylashqan tomsk rayonidin ikki milyon géktar ormanliqni nahayiti töwen bahada ijarige alghan.

Tepsilatta körsitilishiche, tomsk oblastidin ijarige bérilgen mezkur ikki milyon géktar ormanliqning ijare möhliti 50 yil etrapida bolup, buni xitayning "Jinyé xelq'araliq meblegh shirkiti" ijarige alghan hem ijare heqqi üchün bir milyard 260 milyon rubli heq bérishke pütüshken. Tomsk oblastining bu xil erzan bahada rusiye ormanliqlirini xitaygha ijarige bérishi qattiq ghulghula qozghighan bolup, "Rusiye yéza igiliki" dep atalghan organ emeliyette mezkur ormanliqlarning bayliq qimmitining 200 milyard rublidin ashidighanliqini hésablap chiqqan.

Rusiye ékologiye analizchiliri xitay shirketlirining bashqa jaylardinmu köplep ormanliqlarni ijarige alghanliqi, xitay shirketlirining ijarige alghan bu ormanliqlarni monopol qilip xalighanche késip, muhit buzghunchiliqi keltürüp chiqiriwatqanliqini körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet