Rusiyilikler yenila stalinni séghinmaqta

Muxbirimiz ümidwar
2015-02-09
Share


Stalin bügünki rusiyediki yene bir muhim téma, sowét ittipaqining yimirilgen deslepki waqitlirida stalin qattiq eyiblinip, uning qilmishliri köplep pash qilinsimu, emma hazir stalinning obrazining rusiyilikler arisida qaytidin tikliniwatqanliqi melum bolmaqta.

Rusiyening "Prés" qatarliq torlirining xewerliride körsitilishiche, yéqinda rusiyediki "Léwada - séntra" dep atalghan bir organ mexsus kishilerning stalin heqqidiki rayini sinighan bolup, 52% rusiyelik stalinning dölet hayatida muhim rol oynighanliqini mu'eyyenleshtürgen. Stalindin bashqa lénin we axirqi char padishah nikolay ikkinchi heqqidimu ray sinalghan bolup, bu ikkisining érishken ijabiy bahasi istalindin töwenrek bolghan.

Omumiy jehettin alghanda rusiyeliklerning stalinning 30 yilgha yéqin hökümranliq dewri, bolupmu 1941 - 1945 - yilidiki urush hem wapat bolghiche bolghan ariliqtiki töhpilirini yuqiri bahalash keypiyati yéqinqi yillardin buyan ashqan.

Yéqinqi yillardin buyan rusiyede 2 - dunya urushi heqqidiki köp qisimliq téléwiziye filimlirimu köplep ishlen'gen bolup, bularda stalin oynighan roligha ijabiy bahalar bérilgen hemde stalin dewri sowét ittipaqining eng qudretlik dewri süpitide gewdilendürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet