Русийә вәкили "сүрийәдики химийиви қораллар сүрийәниң өзидә бир тәрәп қилиниши керәк" деди

Мухбиримиз ирадә
2013-09-26
Share

Бирләшмә агентлиқиниң хәвәр қилишичә, бүгүн русийә муавин ташқи ишлар министири сергей рабиков баянат берип, русийәниң сүрийәниң химийиви қораллирини йоқитишқа ярдәм қилидиғанлиқи, әмма бу қоралларни русийәгә йөткәшкә қошулмайдиғанлиқини билдүргән.

У бу қоралларниң сүрийәниң өзидә бир тәрәп қилиниши керәклики, мутәхәссисләрниңму буни қоллайдиғанлиқини әскәрткән.

Һазир б д т хәвпсизлик кеңиши сүрийәдики химийиви қоралларни 30-ноябирғичә тәкшүрүп бекитилиши вә келәр йили 30-июлғичә йоқитишни ишқа ашуридиған қанун лайиһисини түзүп чиқиш үчүн хизмәт қилмақта. Сергей рабиков лайиһиниң мушу һәптә ичидә елан қилиниши мумкинликини билдүргән.

Америка президенти барак обамаму бүгүн бирләшкән дөләтләр тәшкилати баш катипи бан кимон билән нюйоркта чақириливатқан йиғин җәрянида учришип, сүрийә кризисини тинчлиқ билән һәл қилиш тоғрисида сөһбәтләшкән. Улар сүрийә мәсилисини һәл қилишта б д т ниң ойнайдиған ролиниң интайин муһимлиқи вә сүрийәдә йеңи өлүм-йетим вәқәлириниң йүз беришидин сақлинишниң зөрүрлүки үстидә ортақлашқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт