Rusiye wekili “Süriyediki ximiyiwi qorallar süriyening özide bir terep qilinishi kérek” dédi

Muxbirimiz irade
2013.09.26
Share on WhatsApp
Share on WhatsApp

Birleshme agéntliqining xewer qilishiche, bügün rusiye mu'awin tashqi ishlar ministiri sérgéy rabikow bayanat bérip, rusiyening süriyening ximiyiwi qorallirini yoqitishqa yardem qilidighanliqi, emma bu qorallarni rusiyege yötkeshke qoshulmaydighanliqini bildürgen.

U bu qorallarning süriyening özide bir terep qilinishi kérekliki, mutexessislerningmu buni qollaydighanliqini eskertken.

Hazir b d t xewpsizlik kéngishi süriyediki ximiyiwi qorallarni 30-noyabirghiche tekshürüp békitilishi we kéler yili 30-iyulghiche yoqitishni ishqa ashuridighan qanun layihisini tüzüp chiqish üchün xizmet qilmaqta. Sérgéy rabikow layihining mushu hepte ichide élan qilinishi mumkinlikini bildürgen.

Amérika prézidénti barak obamamu bügün birleshken döletler teshkilati bash katipi ban kimon bilen nyuyorkta chaqiriliwatqan yighin jeryanida uchriship, süriye krizisini tinchliq bilen hel qilish toghrisida söhbetleshken. Ular süriye mesilisini hel qilishta b d t ning oynaydighan rolining intayin muhimliqi we süriyede yéngi ölüm-yétim weqelirining yüz bérishidin saqlinishning zörürlüki üstide ortaqlashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet