Rusiye bilen tajikistan birleshme herbiy manéwir bashlidi

Muxbirimiz ümidwar
2016-03-09
Share

Uyghur aptonom rayoni we afghanistan bilen chégrilinidighan tajikistan jumhuriyiti charshenbe küni rusiye bilen birliship, keng kölemde birleshme herbiy manéwir ötküzüshke kirishken.

Rusiyening intérfakis agéntliqining xewer qilishiche, rusiye özining manéwirgha qatnashturidighan toshush ayropilanliri bilen herbiy aptomobillarni tekshürüsh etritini, herbiy saqchi etretlirini we bir qisim eslihelirini düshenbige élip kelgen.

Rusiye merkizi herbiy rayoni qomandanining yardemchisi polkownik yaroslaw roshushkinning bildürüshiche, birleshme herbiy manéwirgha tajikistan dölet mudapi'e ministirliqi we rusiye merkizi herbiy rayonining bashqarmiliri, jümlidin motorlashqan qisimlar, tanka we topchilar qismi, alahide wezipe qismi, parashutchilar we parashutchi-hujumchilar qisimliri qatnishidiken. Emeliy herbiy manéwirgha yene küchlük hawa armiye guruppilirimu maslishidiken.

Rusiye polkowniki roshushkin manéwirning usuli heqqide chüshenche bérip, buningda ikki dölet armiyesining öz-ara masliship, taghliq rayonlardiki qanunsiz qoralliq küchlerge qarshi birlikte jeng qilish, düshmenning baza, iskilat we bashqa nuqtilirini yoqitish usulliri qatarliqlarni körsitidiken.

Tajikistanning “Asiya-plus” agéntliqi, ötken hepte rusiye we tajikistan qoralliq küchlirining 15-20-mart küni tajikistanning jenubidiki xatlon garnizonigha tewe besh herbiy meshiq nuqtilirida manéwir ötküzidighanliqini, bu manéwirgha ikki döletning 50 ming herbiy xadimi qatnishidighanliqini xewer qilghan idi. Emma, hazirghiche rusiye tereptin qatnishidighan herbiy xadimlarning sani téxiche éniq emes bolsimu, emma xewerde yene bu birleshme manéwirgha rusiyening tajikistanda turushluq 201-herbiy bazisiningmu qatnishidighanliqi eskertilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet