Русийә вә таҗикистан һәрбий һәмкарлиқни күчәйтиду

Мухбиримиз үмидвар
2013-03-17
Share

Русийә армийиси баш қоманданлиқ шитабиниң башлиқи, дөләт мудапиә министирликиниң биринчи муавин министири валерий герасимов дүшәнбә шәһиригә йетип келип, таҗикистан билән русийә арисидики һәрбий һәмкарлиқ мәсилилирини муһакимә қилди.

Русийә хәвәрләр агентлиқиниң мәлуматлириға қариғанда, генерал герасимов билән таҗикистан дөләт мудапиә министири шерәли хәйруллайеф русийә һәрбий базисиниң таҗикистанда давам лиқ туруш келишими әмәлгә ашуруш һәмдә икки дөләтниң һәмкарлиқлирини күчәйтиш һәққидә пикир алмаштуруп, келишим һасил қилған. Русийә, таҗикистан һәрбий офитсерлирини тәрбийиләп бериш, икки тәрәп терроризмға қарши күрәштә һәмкарлишиш һәм учур алмаштурушқа пүтүшкән.

Генерал герасимов дүшәнбидики русийә қораллиқ күчлириниң 201 - базисини зиярәт қилған. 201 - База, русийә армийисиниң чәтәлләрдики әң чоң қуруқлуқ армийә базиси болуп, у русийиниң 201 - моторлашқан дивизийиси асасида қурулған иди. Һазир бу җайда 7 миңдин артуқ русийә һәрбий хадими турмақта.

Өткән йили, москва билән дүшәнбә бу базиниң вақтини узартиш һәққидә келишим һасил қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт