Rusiye we tajikistan herbiy hemkarliqni kücheytidu

Muxbirimiz ümidwar
2013-03-17
Share

Rusiye armiyisi bash qomandanliq shitabining bashliqi, dölet mudapi'e ministirlikining birinchi mu'awin ministiri walériy gérasimow düshenbe shehirige yétip kélip, tajikistan bilen rusiye arisidiki herbiy hemkarliq mesililirini muhakime qildi.

Rusiye xewerler agéntliqining melumatlirigha qarighanda, général gérasimow bilen tajikistan dölet mudapi'e ministiri shéreli xeyrullayéf rusiye herbiy bazisining tajikistanda dawam liq turush kélishimi emelge ashurush hemde ikki döletning hemkarliqlirini kücheytish heqqide pikir almashturup, kélishim hasil qilghan. Rusiye, tajikistan herbiy ofitsérlirini terbiyilep bérish, ikki terep térrorizmgha qarshi küreshte hemkarlishish hem uchur almashturushqa pütüshken.

Général gérasimow düshenbidiki rusiye qoralliq küchlirining 201 - bazisini ziyaret qilghan. 201 - Baza, rusiye armiyisining chet'ellerdiki eng chong quruqluq armiye bazisi bolup, u rusiyining 201 - motorlashqan diwiziyisi asasida qurulghan idi. Hazir bu jayda 7 mingdin artuq rusiye herbiy xadimi turmaqta.

Ötken yili, moskwa bilen düshenbe bu bazining waqtini uzartish heqqide kélishim hasil qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet