Русийә таҗикистанға һәрбий ярдәм бериду

Мухбиримиз үмидвар
2015-04-05
Share


Русийә һөкүмити таҗикистанға 70 милярд рубли қиммитидә һәрбий ярдәм беридиғанлиқи вә бу ярдәмләрни йеқин арида йәткүзидиғанлиқини билдүргән.

Русийә ташқи ишлар министири сергей лавров 2 - април күни таҗикистанни зиярәт қилған болуп, русийәниң ярдәмлири лавров зияритидә ейтилған.

Русийәниң "комерсант" гезитиниң йезишичә, русийә вә таҗикистан икки тәрәп рәһбәрлири арисидики сөһбәттә, русийә таҗикистан армийәсини заманивилаштурушқа ярдәм көрситишкә қошулған.

Русийә таҗикистанға һәрбий алақә, һәрбий һава үскүнилири вә башқа керәклик һәрбий әслиһәләрни беридикән.

Әмма, москва бу ярдәмләрни коллектип хәвпсизлик шәртнамиси рамкиси астида беридиғанлиқини әскәрткән.

Һазир русийәниң таҗикистанда, 201 - номурлуқ һәрбий базиси мәвҗут болуп, бу русийәниң чәтәлләрдики әң чоң һәрбий базиси һесаблинидикән. Русийәниң дүшәнбә, кулаб, қорғантөбә қатарлиқ җайлардики һәрбий базиларда 7 миңдин артуқ һәрбий хадим бар икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт