Rusiye paraxoti oq chiqirip türkiye paraxotigha agahlandurush berdi

Muxbirimiz ümidwar
2015-12-14
Share


12 - Ayning 13 - küni, yeni yekshenbe küni rusiyening bir qoghdighuchi paraxoti türkiye tupriqigha tutishidighan égé déngizining shimaliy rayonidiki grétsiyening limnos ariligha 22 kilométir yéqin jayda türkiyening bir béliqchi kémisi bilen toqunush kélip chiqishtin saqlinish üchün yénik qoraldin oq chiqirip agahlandurush bergen.

Roytérs agéntliqining xewer qilishiche, rusiyening mezkur paraxoti “Smétliwiy” dep atalghan bolup, türkiye béliqchi kémisi bilen mezkur rusiye qoghdighuchi paraxotining ariliqi 600 métir qalghanda rusiye paraxoti oq chiqirip agahlandurush bérish arqiliq ikki paraxotning soqulup kétishidin saqlinishqa mejbur bolghan.

Oq chiqirilghandin kéyin türkiye paraxoti yönilishini özgertken.

Rusiyening“Néwsru” torining yézishiche, weqedin kéyin, rusiye dölet mudapi'e ministirliki bu weqe seweblik tézlikte türkiyening rusiyediki elchixanisida turushluq herbiy emeldarini chaqirtip naraziliq bildürgen.

Rusiye menbelirining éytishiche, rusiye paraxoti ming métir yiraqtin türkiye paraxotining özi terepke kéliwatqanliqini körgen, 600 métir qalghanda yénik qoraldin oq chiqirip, peqet agahlandurush arqiliq paraxotting soqulup kétishidin saqlan'ghan, oq chiqirilghandin kéyin türkiye paraxoti rusiye terep bilen alaqe qilmay, uning yénidin 500 métir ariliq qaldurup ötüp ketken.

Emma, bu weqe heqqide hazirghiche türkiye terep resmiy bildürüsh élan qilmidi.

11 - Ayda türkiye hawa armiyesi rusiyening bir dane su - 24 tipliq bombardimanchi ayropilanni étip chüshürgendin kéyin ikki dölet munasiwetliri birdinla jiddiyliship ketken idi. Rusiye terep türkiyege qarita imbargo charilirini élan qildi. Hetta rusiyening bir qanche shehiridiki türkiye diplomatiye orunlirining aldida naraziliq namayishliri yüz berdi.

Eslide soda - iqtisadiy, siyasiy we bashqa her jehetlerdin alahide yéqin hemkarliq ornitip kéliwatqan enqere - moskwa munasiwetlirining birdinla yirikliship nazuk halgha chüshüp qalghanliqi her ikkila döletning alahide diqqet qiliwatqan mesilige aylan'ghanliqi bildürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet