Rusiye armiyesi ukra'inadiki bir yadro éliktir istansisini igiliwalghan

Muxbirimiz jewlan
2022.03.04
Share on WhatsApp
Share on WhatsApp

“Washin'gton pochta géziti” ning xewer qilishiche, rusiye armiyesi 4-mart jüme küni ukra'ina paytexti kiyéwning jenubidiki Zaporizhzha yadro éliktir istansisini qolgha chüshürüwalghan. Kiyéwgha 550 kilométir kélidighan bu yadro éliktir istansisi yawropadiki ikkinchi chong yadro éliktir istansisi bolup, hujumgha uchrighan waqitta bir qisim bölümige ot ketken we 5 sa'ettin kéyin öchürülgen؛ arqidin rus armiyesi bu yerni ishghal qilghan.

Birleshken döletler teshkilati yadro qoralliri we yadro eslihelirini nazaret qilish orgini, shundaqla amérikaning énirgiye ministirliki emeldarliri bu yadro éliktir istansisigha ot ketken bolsimu, muhim üskünilirige ot tutashmighanliqini, shunga atom énirgiyesi tarap kétishtek xeterning yüz bermigenlikini bildürgen. Emma közetchiler eger bu yadro éliktir istansisining yadro béshida partilash yüz berse ötken esirdiki “Chérnobél weqesi” dinmu éghir paji'e yüz béridighanliqini ilgiri sürgen.

CNN Torining xewiride: “Rusiye yawropadiki bu ikkinchi chong yadro éliktir istansisi binasigha hujum qilip, dunya bixeterlikige tehdit salmaqta” déyilgen. Tehlilchilerning qarishiche, rusiye prézidénti putin bu yadro éliktir istansisini qalqan qilip, yawropa we pütün dunyagha heywe qiliwatqan bolup, bundaq telwe mustebitler öz meqsitige yétish üchün wasite tallap olturmaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet