Rusiye-ukra'ina urushining tereqqiyati téximu köp sahege chétilishqa bashlidi

Muxbirimiz eziz
2022.03.23
Share on WhatsApp
Share on WhatsApp

Ukra'ina bilen rusiye otturisidiki urush sozulghanséri bu urushning téximu köp dunyawi küchlerning sinishishi bolup qéliwatqanliqi ashkarilinishqa bashlidi. 23-Mart küni aqsarayning dölet xewpsizlik meslihetchisi jéyk salliwan “Rusiye armiyesi urushni bashlighan bilen özliri közligen üch nishanning hemmiside meghlup boldi” dep körsetken. CNBC Agéntliqining bu heqtiki xewiride éytilishiche, bu üch nishan ukra'inani boysundurush, rusiyening tesirini we abroyini yükseldürüsh hemde gherp dunyasini parchilap ularni téximu ajizlitiwétish iken. Urush bashlan'ghili téxi bir ay bolmighan bolsimu NATO hazir az dégendimu 15 ming rosiye eskirining bu urushta ölgenlikini mölcherlimekte iken.

“Yette dölet bashliqliri yighini” ning sehiye ministirliri 23-mart küni rusiye armiyesining ukra'inadiki saqliqni saqlash we sehiye nuqtilirigha herbiy hujum qozghighanliqini keskin eyiblidi. Ularning birleshme bayanatida “Sehiye binalirigha gherezlik halda hujum qilish xelq'ara qanunlarda men'i qilin'ghan. Saghlamliq sahesining hujumgha uchrimasliqi, doxturlarning muhapizet qilinishi eng eqelliy qa'idilerdur” déyilidu. Urush weziyiti jiddiylishiwatqanda amérika prézidénti jow baydén 23-mart küni yawropa sepirige atlan'ghan. U bu qétimqi seperde yawropadiki ittipaqdashliri bilen birlikte rusiyening herbiy hujumlirini téximu ünümlük chekleshni muzakire qilidighan bolup, bir qisim analizchilar “Amérika hökümiti rusiyege qarshi esker ewetishi, héchbolmighanda ukra'inagha yéqin jaylarda da'imliq herbiy baza échishi mumkin” dep qarimaqta iken.

CNN Ning 23-marttiki xewirige qarighanda, dunyaning herqaysi jayliridin, jümlidin gherp démokratik döletliridin ukra'inagha kéliwatqan herbiy yardemlerning köpiyishi hemde rosiye armiyesining éghir talapetke uchrishi sewebidin rusiye hökümiti ukra'inagha qarshi yadro qoral ‍ishlitishni jiddiy oylashmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.