Zéléniskiy ukra'inaning tinchlik söhbitide bitereplikni muzakire qilishqa teyyar ikenlikini bildürdi

Muxbirimiz erkin
2022.03.28
Share on WhatsApp
Share on WhatsApp

Ukra'ina prézidénti wolodémir zéléniskiy hökümetning rusiye bilen bolghan tinchliq söhbitide ukra'inaning bitereplik mesilisini muzakire qilishqa teyyar ikenlikini bildürgen.

En'giliye axbarat tori - BBC ning xewer qilishiche, zélénskiy musteqil rusiye muxbirlirining ziyaritini qobul qilghanda, bundaq bir kélishimning ukra'inada omumiy xelqning awaz bérishige qoyulushi kéreklikini éytqan. Zéléniskiy buninggha ‍oxshash sözlerni burunmu qilghan bolsimu, lékin bu nöwet tunji qétim uning bu sözlerni küchlük rewishte éytishidur.

Zéléniskiy bu sözlerni ukra'ina-ru'isiye wekillirining söhbiti bu hepte türkiyede qayta eslige kélishning harpisida éytqan. Zéléniskiy: “Biz bixeterlik kapaliti, bitereplik we dölitimizning yadro qorallardin xaliy bolush mesilisini sözlishishke teyyar. Bu intayin muhim nuqta,” digen. Zéléniskiyning ékran arqiliq élip bérilghan ziyarette éytishiche, imzalinidighan herqandaq kélishim putin bilen yüzturane körüshüshni telep qilidiken, shundaqla ukra'inaning hujumgha uchrimasliqi üchün ünümlük bixeterlik kapaliti bérish muhim iken.

Rusiye prézidénti putin ilgiri ukra'inaning biterepliki we shimaliy atlantik ehdi teshkilatgha qatnashmasliqigha kapaletlik qilishni telep qilip kelgen bolsimu, biraq u kéyinrek bu sözlirini özgertip, sabiq sowét ittipaqining yimirilishini “Tarixtiki rusiyening parchilinishi” dep qarighan, shundaqla ruslar bilen ukra'inlarni bir xelq, dep körsitip, ukra'inaning tarixini ret qilghan idi. BBC Ning éytishiche, rusiyening döletlik axbarat bashqurush idarisi taratqularning zéléniskiy bilen ötküzgen söhbetni tarqitishini chekligen, shundaqla söhbet élip barghan rusiye taratqulirini tekshürüshni buyrughan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet