Rusiye-ukra'ina söhbitide türkiye wasitichilik rolini oynimaqchi bolghan

Muxbirimiz jewlan
2022.03.29
Share on WhatsApp
Share on WhatsApp

Rusiye 24-féwral ukra'inagha hujum qilghandin buyan, ikki terep bélarusiye bilen ukra'ina chégrasida uchriship, urushni toxtitish heqqide bir nechche qétim söhbetleshken bolsimu, biraq ortaq kélishim hasil qilalmighanidi.

Bu qétim türkiyening teshebbusi bilen rusiye we ukra'ina wekilliri 29-féwral küni istanbulda tinchliq söhbiti ötküzmekchi bolghan. Axbarat wasitilirining diqqiti merkezleshken bu yighinda türkiyening alahide siyasiy orni we meydanimu qiziqarliq muhakime témisigha aylan'ghan.

Analizchilarning tehlilige qarighanda, bu qétimqi urush qara déngiz boyidiki gi'o-siyasiy küchler tengpungluqini özgertidighan urush bolup, türkiye qara déngiz boyidiki muhim dölet, yene kélip ukra'ina bilen rusiyege déngiz arqiliq chégralinidu. Türkiye prézidénti rejep tayip erdoghan gerche gherbni merkez qilghan xelq'ara sistémigha qarshi bolsimu, emma türkiye natogha eza dölet, yene kélip türkiyening gherb elliri bilen iqtisadiy hemkarliqi bar. Türkiye bir yaqtin rusiyening telipige qarshi bosfor boghuzini taqighan, ukra'inagha ademsiz urush ayropilani sétip bergen bolsimu, yene bir yaqtin rusiyeni ghezeblendürüp tamamen ada-juda bolushni xalimaydiken. Türkiyening rusiye bilen ukra'inada tengla menpe'eti bolghini üchün, türkiye hökümiti ularning baldurraq tinchliq söhbiti ötküzüp bu urushni ayaghlashturushini ümid qilidiken.

Bu yil 2-ayning 3-küni türkiye prézidénti rejep tayip erdoghan okra'inani ziyaret qilip, okra'ina prézidénti zéléniski bilen körüshken bolup, rusiyening tehditige uchrawatqan okra'inagha medet bérip, rusiyege tinchliq yoli bilen mesilini hel qilish signali bergenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet