Rusiyening dangliq Uyghur putbol cholpini jamalidin daniye komandisigha ketken

Rusiyening meshhur Uyghur putbol cholpini 19 yashliq jamalidin xojaniyazof rusiyening yashlar "Zént" komandisidin ötken yilining otturilirida daniyening "Orxus" komandisigha ketken.

Rusiye metbu'atlirining tenterbiye xewerliride xojaniyazofning daniye komandisigha yötkilishi qiziq nuqtigha aylan'ghan bolup, jamalidin xojaniyazofning "Zént" komandisidin ayrilish sewebi heqqide her xil qiyaslar otturigha chiqqan. Rusiyening tenterbiye torliridin "Chémpiyonat" tiki uchurda éytilishiche, "Zént" komandisi peqet ikki yildin kéyinla xojaniyazofni qayturup kélish salahiyitige ige bolidiken.

Jamalidin xojaniyazof rusiye döletlik "17 Yashliqlar" komandisining asasliq ezasi süpitide 2013-yili yawropa chémpiyonluqini talishish musabiqisige qatniship, rusiye komandisining yawropa chémpiyoni bolushigha alahide hesse qoshup dang chiqarghan idi. Shuningdin kéyin u, "Zént" we rusiye döletlik yashlar komandisi terkibide putbol oynighan.

Jamalidin xojaniyazof 1996-yili türkmenistanning bayram'ali rayonida Uyghur ziyaliysi a'iliside tughulghan. Bayram'ali 1882-1883-yilliri arisida ili wadisidin köchüp kelgen Uyghurlarning makanigha aylan'ghan bolup, xojaniyazof nopusi ikki ming etrapidiki türkmenistan Uyghurliri arisidin yétiship chiqip, pütün rusiyeni öz ichige alghan musteqil döletler hemdostluqigha tonulghan putbolchigha aylan'ghan idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar