Rusiye qatarliq ellerdiki Uyghur ziyaliyliri özlirining yéngi tor bétini bashlidi

Muxbirimiz ümidwar
2017-04-02
Élxet
Pikir
Share
Print


Rusiye, qazaqistan qatarliq döletlerdiki Uyghur ziyaliylirining teshebbusi bilen yéqinda Uyghur we rus tillirida bir yéngi uniwérsal tor bet échilip ishqa kirishtürülgen.

Feysboktiki uchurlardin melum bolushiche, "Izlirimiz" dep atalghan mezkur tor betning échilishida qazaqistandiki Uyghur karxanichi ziyaliyliridin biri waqqas memedinof teshebbuskarliq we bashlamchiliq qilghan bolup, tor betni rusiyening sankitpétérburg shehiride turushluq Uyghur ziyalisi hemrajan amraq qatarliqlar téxnikiliq jehettin bashquridiken.

Bu tor bet échilghinigha qisqa waqit bolsimu, emma uninggha qoyuluwatqan Uyghurche, rusche maqalilar, xewerler we bashqa munasiwetlik uchurlarning sani barghanséri köpeymekte we ziyaretchilerning sanimu téz ashmaqta iken.

Bu tor bet asasliqi dunyaning her qaysi jayliridiki Uyghur ziyaliyliri arisidiki alaqilarni kücheytish, Uyghurlarning meshhur ilim erbabliri, siyasiyonliri, medeniyet erbabliri we bashqilarni tonushturush, ottura asiyadiki Uyghurlarning kiril yéziqidin bashqa yene ereb yéziqi asasidiki Uyghur kona yéziqini ishlitishini hem Uyghur tilini öginishini ilgiri sürüshni meqset qilidiken.

Melumki, hazir rusiye fédératsiyesining sankitpétérburg, moskwa we bashqa sheherlerde 5ming etrapida Uyghur yashaydu, emma musteqil döletler hemdostluqidiki Uyghurlarning asasiy qismi qazaqistan, qirghizistan we özbékistan'gha jaylashqan. Qazaqistandiki Uyghur yashlirini yéqinqi yillardin buyan tor bet qurulushigha ehmiyet bérip, ilgiri kéyin "Doppa layf","Uyghur today","Uyghurnarod.Ru", we bashqa onlighan tor betlerni qurup, ikki tilda meshghulat qilmaqta.

Toluq bet