Русийә уйғур районини су билән тәминләш тоғрисидики өстәң қурулушини тохтитип қойди

Мухбиримиз әркин
2016-05-13
Share

Русийә йеқинда русийәниң алтай җумһурийити арқилиқ бир өстәң қезип, уйғур районини су билән тәминләш қурулушини тохтатқан. Русийә йеза игилик министири аликсандир тухачеф, мәзкур пиланниң тохтитилғанлиқини билдүргән.

Русийә т а с с агентлиқиниң хәвәр қилишичә, аликсандер тухачеф: "хитайни су билән тәминләш қурулушиниң йеқин кәлгүсидә һечқандақ әмәлий иҗраати болмайду. Бу қурулушниң русийә екологийәлик муһитиға көрситидиған тәсири қаттиқ тәкшүрүлиду. Буниңдин сирт, русийәниң дөләт мәнпәәти толуқ көздин кәчүрүлгәндин кейин, бу қурулушни қайта ойлишишимиз мумкин" дегән.

Русийәниң уйғур районини су билән тәминләш пилани 5‏-айниң башлирида ашкариланған. "русийә гезити" ниң 3‏-майдики хәвиридә, русийә йеза игилик министири аликсандер тухачеф шу күни хитай йеза игилик министири билән өткүзгән сөһбитидә бу мәсилини музакирә қилғанлиқини, уйғур райониға өстәң қезип, хитайни су билән тәминләш пикрини русийә тәрәпниң оттуриға қойғанлиқини билдүргән.

Әмма бу пилан русийәдә қаттиқ тәнқидкә учриған. Русийә пәнләр академийиси һедрологийә тәтқиқат институтиниң муавин мудири аликсандер грифин, "бу қурулуш һечқандақ тәтқиқат вә тәкшүрүштин өтмәй каллидики хиялға қарапла чиқирилған қарар" дегән.

Анализчиларниң қәйт қилишичә, хитай һөкүмити уйғур райониға техиму көп хитай нопуси орунлаштурушни көзләп, районда шәһәрлишишни җиддий қанат яйдуруватқан болсиму, әмма су мәсилиси униң бу пиланиға тосқунлуқ қилип кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт