Хитай билән русийә б д т ниң сүрийә уруш җинайәтчилирини хәлқара сот мәһкимисигә тапшуруш қарарини рәт қилди

Мухбиримиз әркин
2014-05-23
Share

Хитай билән русийә б д т хәвпсизлик кеңишиниң сүрийә уруш җинайәтчилирини, инсанлиққа қарши җинайәтләрни хәлқара сот мәһкимисигә тапшуруп, җазалаш һәққидики қарар лайиһисини рәт қилди.

Бу хитай билән русийәниң сүрийәгә мунасивәтлик б д т хәвпсизлик кеңиши қарарлирини 4‏-қетим рәт қилиши. Сүрийәдә 3 йилдин буян давам қиливатқан ички урушта, 150 миңдин артуқ адәм өлгән.

Хәвпсизлик кеңишиниң пәйшәнбә күни ечилған йиғинида, америкиниң б д т да турушлуқ баш әлчиси саманта повер хитай билән русийәни тәнқидләп, тоқунушниң қурбанлириға: улар билән биргә турғанлар вә уларниң адаләткә еришиш пурситини рәт қилип қол көтүргәнләр һәққидә, һәқлиқ тарихий хатирә қалди, дегән.

У йәнә, бизниң нәврилиримиз кәлгүсидә, бизниң қандақ қилип йәр шаридики дозах азабини тартиватқан хәлқләргә адаләт елип келиштә мәғлуп болғанлиқимизни сорайду, дәп көрситип, әгәр хәвпсизлик кеңиши һазирқи җинайәтләрниң җавабкарлиқини сүрүштүрүшкә қадир болалмиса, бу орган өзиниң инавитини давамлиқ йоқитидиғанлиқини билдүргән.

Лекин русийә, бу қарар хәлқара сотни қорал қилип, сиясий ихтилапни техиму күчәйтишкә елип баридиғанлиқи, сүрийә һәрбий арилишишниң йолини ачидиғанлиқини илгири сүргән. Хитай болса, хәвпсизлик кеңишиниң тоқунушни хәлқара мәһкимигә елип беришиға изчил қарши туруп кәлгәнликини тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт