Xitay bilen rusiye b d t ning süriye urush jinayetchilirini xelq'ara sot mehkimisige tapshurush qararini ret qildi

Muxbirimiz erkin
2014.05.23
Share on WhatsApp
Share on WhatsApp

Xitay bilen rusiye b d t xewpsizlik kéngishining süriye urush jinayetchilirini, insanliqqa qarshi jinayetlerni xelq'ara sot mehkimisige tapshurup, jazalash heqqidiki qarar layihisini ret qildi.

Bu xitay bilen rusiyening süriyege munasiwetlik b d t xewpsizlik kéngishi qararlirini 4‏-qétim ret qilishi. Süriyede 3 yildin buyan dawam qiliwatqan ichki urushta, 150 mingdin artuq adem ölgen.

Xewpsizlik kéngishining peyshenbe küni échilghan yighinida, amérikining b d t da turushluq bash elchisi samanta powér xitay bilen rusiyeni tenqidlep, toqunushning qurbanlirigha: ular bilen birge turghanlar we ularning adaletke érishish pursitini ret qilip qol kötürgenler heqqide, heqliq tarixiy xatire qaldi, dégen.

U yene, bizning newrilirimiz kelgüside, bizning qandaq qilip yer sharidiki dozax azabini tartiwatqan xelqlerge adalet élip kélishte meghlup bolghanliqimizni soraydu, dep körsitip, eger xewpsizlik kéngishi hazirqi jinayetlerning jawabkarliqini sürüshtürüshke qadir bolalmisa, bu organ özining inawitini dawamliq yoqitidighanliqini bildürgen.

Lékin rusiye, bu qarar xelq'ara sotni qoral qilip, siyasiy ixtilapni téximu kücheytishke élip baridighanliqi, süriye herbiy arilishishning yolini achidighanliqini ilgiri sürgen. Xitay bolsa, xewpsizlik kéngishining toqunushni xelq'ara mehkimige élip bérishigha izchil qarshi turup kelgenlikini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.