Amur deryasi köwrüki xitay bilen rusiyeni téximu ching baghlimaqta

Muxbirimiz eziz
2022.06.15
Share on WhatsApp
Share on WhatsApp

Hin'gan taghliridin bashlinip sherqqe aqidighan amur deryasi xitay bilen rusiyening sherqtiki chégrasining yérimidin köprekini teshkil qilidighan bolup, yéqinda bu deryadiki tunji qatnash köwrüki ishqa kirishtürülgen.

CNN Agéntliqining bu heqtiki xewiride éytilishiche, 369 milyon amérika dolliri meblegh sélin'ghan bu tunji köwrük xitayning xéyxé shehri bilen rusiyening blagowshénsk (Blagoveshchensk) shehirini tutashturidiken. 12-Iyun küni bu köwrükte tunji qatnash bashlinip, ikki terepning yük mashiniliri qatnighan. Xewerde éytilishiche, xitay terepning mashinilirigha éliktronluq mehsulatlar we her xil chaq bésilghan bolsa, rusiye yük mashinilirida purchaq we herilen'gen taxtaylar toshulghan. Rusiye we xitay rehberliri bu köwrük heqqidiki tebrik nutuqlirida buni “Ikki terep otturisdiki iqtisadiy hemkarliqning tereqqiyati” dep sherhiyligen. Melum bolushiche, amur deryasigha sélin'ghan ikkinchi köwrükmu yéqinda ishqa kirishtürilidighan bolup, buningda tömüryol qatnishimu ishqa kirishtürülidiken.

Xewerde éytilishiche, ukra'ina urushi bashlan'ghandin buyan, gherb dunyasi rusiyege oxshimighan deriqide türlük imbargo charilirini ijra qiliwatqanliqi üchün, rusiyening iqtisadiy jehettiki qiyinchiliqliri hessilep ashqan. Buning bilen ularning xitaygha bolghan béqindiliqi hemde xitay bilen bolghan hemkarliqi téximu ashqan. Nöwette mezkur köwrüklerning ishqa kirishtürülüshimu ene shu xil arqa körünüshler bilen zich munasiwetlik, dep qaralmaqta iken. Shuning bilen birge, rusiye bilen xitay otturisidiki barghanséri yoquri pellige chiqiwatqan bu xil hemkarliq we dostluq yene bir yaqtin dunyaning mushtomizorluqqa we zulumgha ortaq qarshi turushtek tirishchanliqi üchün éghir xiris peydaq qilmaqta, dep qaralmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.