Shi jinping rusiyening “Igilik hoquqi we xewpsizliki” mesiliside xitayning moskwani qollaydighanliqini bildürgen

Muxbirimiz irade
2022.06.16
Share on WhatsApp
Share on WhatsApp

Xitay dölet re'isi shi jinping xitayning rusiyening xewpsizlikini qoghdaydighanliqini bildürgen.

CNN Téléwiziyesining xewer qilishiche, 15-may charshenbe küni, xitay dölet re'isi shi jinping rosiye prézidénti putinning tughulghan künini tebriklep qilghan téléfon söhbitide, rusiyening “Igilik hoquqi we xewpsizliki” mesiliside moskwani qollaydighanliqini qayta-qayta tekitligen.

Xewerde éytilishiche, shi jinping putinning 69 yashqa kirgen tughulghan künidiki sözide, ikki dölet otturisidiki istratégiyelik hemkarliqni chongqurlashturushqa wede bergen.

Krémil sariyidin tarqitilghan bayanatta bu heqte mundaq déyilgen: “Ikki dölet rehberliri ikki terep munasiwetlirining tarixtiki eng yuqiri sewiyide ikenlikini we keng kölemlik öz'ara hemkarliqni izchil chongqurlashturush iradisige kelgenlikini qayta tekitlidi.”

Melum bolushiche, ikki shi jinping bilen putin otturisidiki bu téléfon körüshüshi, rusiye ukra'inagha tajawuz qilghandin kéyinki ikkinchi qétimliq téléfon söhbiti bolup, söhbet her ikki terep üchün hemkarliqini yenimu kéngeytish pursiti bolghan iken.

Shi jinping 16-iyun künidiki téléfon körüshüshide mundaq dégen: “Bu yil kirgendin buyan, ikki dölet munasiwiti yer sharidiki dawalghush we özgirishler aldida saghlam tereqqiyatini saqlap keldi. Xitay rusiye bilen bolghan ikki tereplik hemkarliqning muqim we uzaq muddetlik tereqqiyatigha türtke bolushqa tirishchanliq körsitidu. Xelq'ara tertip we yer sharini bashqurushning téximu adil we muwapiq yönilishke qarap tereqqiy qilishini ilgiri süridu.”

Rusiye ukra'inagha tajawuz qilghandin kéyin, amérika we yawrupa ittipaqi rusiyege keng kölemlik iqtisadiy ambargo qoyghan idi. Biraq xitay bu heriketlerge qoshulmayla qalmay, rusiyening tajawuzchiliqini “Herbiy heriket” dep atighan. Amérika prézidénti baydén weqedin kéyin shi jinpingni ochuq agahlandurup, eger xitay rusiyege herqandaq shekilde yardem qilip, rusiyening jaza tedbirliridin qiynalmay ötüwélishige yardem qilsa, aqiwitining éghir bolidighanliqini bildürgen.

Halbuki, CNN téléwiziyening éytishiche, krémil sariyi shi jinping bilen putinning 15-iyun künidiki téléfon söhbtige a'it élan qilghan bayanatida mundaq dégen: “Ikki terep gherb yolgha qoyghan qanunsiz jaza siyasiti sewebidin barghanséri murekkepliship kétiwatqan yer shari iqtisadiy weziyitini közde tutup, énérgiye, pul-mu'amile, ishlepchiqirish we bashqa sahelerdiki hemkarliqni téi'imu kéngeytishni qarar qildi.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.